2016年12月1日 星期四

暢所欲言

呢度應該無咩人識我真身,就放肆講下一啲比較敏感嘅話題吧。

如果大家有睇開我寫嘅無聊嘢,應該睇到我之前諗轉唔轉工苦苦掙扎咗好耐。呢一刻諗如果無咩變卦,我應該會喺度做到退休了(我上司曾經表示過呢種諗法)。

事緣教育行業,對年青老師而言每年都洗牌一次。上到岸搵到永久教席,又食得鹹魚頂得順啲工作量嘅,固然恭喜佢步步高陞。但仍然有為數不少的年青教師,係年年大執位的,今年有工開唔保證下年有。今年市道好差,我識三個教中文,一個學歷最好三大畢業,人亦可靠,但今年只搵到第三組別學校合約位。我對第三組別學校無歧視,有時候呢班學生比成績好嘅學生更重感情。我想指出嘅係呢種條件稍有經驗嘅年青教師都只搵到第三組別學校教席,其他學歷無咁標青而未上岸嘅年青教師,搵唔到合約教多年就好普遍,另外有兩個就係咁,教咗幾年今年搵唔到合約教席。有時打一份工需要成就感,唔一定係教出成績好嘅學生,而係長年喺一個教學環境扎根,學生對你嘅一份信任。但年年合約嘅工作,叫年輕教師能在何處落葉歸根?

望返轉頭,我慶幸自己選擇一世發唔到達但平穩。上司信任我,學生對我好,睇少幾次人事心病身體勞累而要睇嘅醫生。工作穩定,雖然知自己住唔到靚樓,但舊的小小安樂窩都有預算供得起。回望有同期畢業學校教師勞心到法令紋都出哂,好慶幸自己仲未有呢種皺紋,真係多多錢都救唔返呢種老態。

另外,最近都有諗自己係咪咁耐都未定落嚟搵個人嫁,係咪好任性,同埋無哂籌碼。但最近見到有個大我學生十幾年嘅男人似係對我學生有意思,見到佢哋相處時個女仔有啲小妹妹脾氣,個男人處處遷就。雖然一個願打一個願熬,佢哋可能好享受,旁人無從置喙,但由此諗諗下我嘅成熟肯就人,同人相處令人舒服係經驗,亦係成熟女子嘅另一賣點,無庸妄自菲薄,哈哈。

2016年11月28日 星期一

監視表

想入一注太古b做長線投資
但怕愈跌愈有

另外我仲睇緊煤氣,但無點跌過
仲有一啲reits,唔知幾時跌定
要等特朗普真正上場才較明朗

2016年11月20日 星期日

全部現金

手上全部現金,等低位入公用股收息算了。
唔可以大貪。
最近吹加息,應該有機會嘅。

後記:
1830愈跌愈有,我0.80買,比人在競價時段撳住o黎搶,0.63才沽到,教訓深刻。
今日竟然見到佢0.51,睇來大戶造市,非0.4不罷手,到時佢哋又會掃貨收息。

講財技,真係唔夠佢哋玩,佢哋好狗。我唔想心臟病發,以後唔同佢哋咁玩。
買返大藍籌算。

2016年11月16日 星期三

不再買大細

各位在上篇文章的留言我已經看到了,多謝大家鼓勵。畢竟每個人的性格與能力不同,不應老是羨慕別人,只能做好自己。

先戴頭盔,大家唔好鬧我:其實尋日在198元入了700搏業績,但因為輸過一次,就設定好股價低過買入價就自動放盤,結果臨收市前真係如此。

本來諗係咪被震倉,不過無點蝕錢就算啦。點知今日700一直向下走,可能命運令我逃過一劫。領教過小股民原來9點半前入唔到市放股票,但股價一直向下的慘痛經驗,覺得自己執返一身彩,亦覺得開市價被競價操控好唔公平。

另外再學到(不過以後唔用,會心臟病發),炒消息係要早好幾日甚至一個月部署,睇定啲之前一日入反而係水尾。

為免影響正常生活,都係買返唔升唔跌可靠嘅收息股算了,現正計劃買哪些和組合分配。

2016年11月15日 星期二

今日睇到兩個舊同學憑努力教到傳統名校,心裡替她們高興,又會問自己:如果當日我無離開學校,果個會唔會係我呢?

我們都是教院出身,名校中學校長大多有學歷歧視,不易聘請我們。所以我深知她們能攀上這些位置,是比出身三大的人加倍努力才做到的。順理成章地,她們是典型買樓生娃娃,努力熬為保持中產水平生活的人。倒過來問我是否願意付出那麼多,我倒做不到:天昏地暗工作進修、行政文件堆積如山、高層視學壓力,還要面對喜怒無常的女人堆......說實在的我仍很單純,喜愛布娃娃和小貓,亦不願意做違心的事,而且離開困獸鬥已久,都忘了她們怎樣運用心計。再出返去,好似毫無還擊之力的羊羔。如果我適應到,應該變成了和她們一樣的人。畢竟人到了哪個環境,就成為哪種人。

算了,那些名譽本不屬我,就隨它去了吧。告訴自己路是自己選擇的,要甘心。

2016年11月13日 星期日

寶貴一課

先向各位公告,今早我蝕了40000元。我覺得這是一個紀錄,無論贏或輸都要誠實面對。錢不多,捱幾個月能再儲回來的。

先說說我學到的教訓:

1.不要放太重注碼在一隻股票,就算不是買仙股賭博,只想收息都好。必瘦站突如其來的盈警,令我預先落盤都放唔切貨,只能一開市以市價賣出。我不敢同自己鬥氣,怕愈跌愈多,惟有壯士斷臂。

2.要在止跌回升時才買貨,不買當頭跌,例如qq,原來愈跌愈有。有人玩得起,但我非家財萬貫,輸唔起。


總結一來一回,喺呢個股市無賺無蝕,但為怕每日心驚膽顫,決定以後只在股市低迷下(如19000點)才考慮入股票,或把手上現金全還樓按,可能更適合我。





2016年11月11日 星期五

QQ

一入就跌,好想喊,嗚嗚。

最衰派股份,諗緊要唔要設止蝕位。